Эстетика пән бірлестігі мектеп ұстаздарына «Оқытудың қандай тәсілдері мұғалімді (оқушыны) жұмысқа ынталандыра алады?» тақырыбына коучинг өткізді.  Коучинг мақсаты: Оқытудың тәсілдерін қолдана отырып, мұғалімді (оқушыны) жұмысқа ынталандыру жолдарымен таныстыру.                      

Каникулдық мектеп аясында қаңтардың 4 күні МИФ бірлестік мұғалімдері "Тапсырма критерийлерін қалай құрастыруға болады?" тақырыбында пән мұғалімдерімен  шебер сынып өткізді.

2024 жылдың 4 қаңтар күні мектептің оқу- тәрбие жоспарына сәйкес әдістемелік кеңес өтті.   Әдістемелік кеңестің күн тәртібінде:  1.Жас мамандар және тәлімгерлер жұмысы 2.Дарынды және уәжді балалар туралы деректер базасын жаңартудың уақытылы жүргізілуін тексеруді қамтамасыз ету 3.Шығармашылық, зерттеу топтарының жұмысы қаралды. Ұстаздар өз жұмыстарымен сондай- ақ тәжірибелерімен бөлісіп кеңесті.

Каникулдық мектеп аясында 4 қаңтар  күні орыс тілі мен әдебиеті бірлестік мұғалімдері  "5 -сыныпқа көшу кезінде 4-сынып оқушыларының білім сапасының төмендеуі себептерімен қалай күресуге болады?" тақырыбында пән мұғалімдеріне коучинг өткізді.

2024 жылдың 4-5 қаңтар күндері Оқу-ағарту, бюджеттік ұйымдар, ғылым және жоғары білім қызметкерлерінің "Жетісу" жергілікті кәсіподағының ҚБ-нің Талдықорған қалалық филиалының ұйымдастыруымен мектеп қызметкерлерінің арасында спорттық жарыс өткізді. Жарыс қорытындысы бойынша мектебіміз тоғызқұмалақ ойынында 1 орын,  үстел теннисінен 2 орын, баскетбол ойынынан 3 орын иеленді.

2024 жылдың 4 қаңтар күні  әдістемелік күн аясында шығармашылық, зерттеу топтарының жұмысы бойынша ұжым арасында тарих бірлестігіндегі пән мұғалімдерінің ұйымдастыруымен «Оқушыларды кері байланыс беруге үйретудің тиімді жолдары»  тақырыбында  шебер сынып  (коучинг) өткізді. Мақсаты: Білім сапасын арттыруда мұғалімдердің кәсіби құзіреттілігін арттыру, өзара тәжірибе алмасу.