07
октябрь
2020
Қауіпсіз мектеп автобусы
22 қыркүйек және 25 қазан аралығында мектебімізде "Қауіпсіз мектеп автобусы" республикалық акциясы өтуде. Акцияның негізгі мақсаты – мектеп оқушыларын қауіпсіз тасымалдауды ұйымдастыру, сонымен қатар мектеп автобустары оқушыларды тасымалдау кезінде жол-көлік апаттық жағдайларының алдын алу.
Осыған орай мектебімізде «Қауіпсіз мектеп автобусы» республикалық акцияның жоспары құрылып, бекітілді.
Балалар мен жасөспірімдерге құқықтық білім беру, жол ережесін сақтауға үйрету және жолда жүру мәдениетін қалыптастыру мақсатында 1-4 сыныптарда «Жол тәртібін білейік, аман-есен жүрейік!» тақырыбы аясында сынып сағаттары жүргізілді. 8-10 сыныптар арас ында «Жолда жүру ережесін есіңде сақта!» атты дөңгелек үстел барысында үлкенге құрмет, кішіге ізет көрсетудің жолдарын ұғындырып, оқушыларды жолдан өтудің тәртібі мен ережесін сақтауға, жол белгілеріне мұқият болуға баулыды.